Soul & Mind Group

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عندما كان الطبيب روحا وعقلا وكانت علاقة الطبيب بالمريض كعلاقة الروح بالعقل كانت منتديات الروح والعقل


3 مشترك

    تجربة طبيب امتياز

    Dr:Sonia
    Dr:Sonia
    Dr:Sonia
    المدير العام
    المدير العام


    انثى
    عدد المشاركات : 447
    رقم العضوية : 1
    المستوى : GP
    الاقامة : الخرطوم- السودان
    نقاط النشاط : 17638
    السٌّمعَة : 15
    تاريخ التسجيل : 27/10/2008
    • مساهمة رقم 1

    حوار تجربة طبيب امتياز

    مُساهمة من طرف Dr:Sonia الخميس 09 أبريل 2009, 10:46 pm


    تجربة طبيب امتياز 2

    [size=18]فترة الامتياز بصراحة بعتبرها احلى فترة بعد السنوات الجافة القضيناها فى الكلية مع انه مرت اوقات حسيت فيها بخيبة الأمل بس برضو في اوقات تانيه قدرت اعمل حاجات ما كنت متوقعه اني بقدر اعملها وبرضو لانه فى الامتياز بنمر بأغلب التخصصات دا خلنى اغير فكرتى فى بعض التخصصات .

    ياترى انتم كان انطابعكم شنو عن الامتياز ؟
    هل مريتو بلحظات احلامكم تحطمت على ارض الواقع؟
    هل إتفاجتو بحاجات ماخطر فى بالكم انه حتعملوها؟
    هل فى تخصصات اتغيرت وجهة نظركم بالنسبة ليها سواء سلباً او إيجاباً؟
    شنو هى الحاجات التعلمتوها فى كل كورس او تخصص؟

    ياريت تشاركونا بأرأئكم وتناقش عشان ننور الطريق للدكاترة الامتياز الحيجو بعدنا وعشان يعرفوا شنو الحاجات المفروض انه يتعلموها فى كل كورس[    /size].
    • الرجوع الى أعلى الصفحة
    Dr.Maha
    Dr.Maha
    Dr.Maha
    المشرف العام
    المشرف العام


    انثى
    عدد المشاركات : 162
    رقم العضوية : 2
    المستوى : GP
    الاقامة : ليبيا
    نقاط النشاط : 17258
    السٌّمعَة : 9
    تاريخ التسجيل : 28/10/2008
    • مساهمة رقم 2

    حوار رد: تجربة طبيب امتياز

    مُساهمة من طرف Dr.Maha السبت 18 أبريل 2009, 8:15 pm

    السلام عليكم...
    موضوع جميل تسلم ايدك يا دكتورة
    بخصوص فترة الامتياز اللي انا اصلا هسي بمر بها او بالاصح في نهايتها
    فهي تجربه مهمة ومفيدة وممتعة وبرضو متعبة ومملة وصادمة يعني فيها دا ودا

    هي مهمة: بالذات لم يكون نظام الجامعه زي حالتنا الزول ما بيشوف المستشفى الا في رابعه وخامسة
    فبتكون اول مره بيدخل المستشفى على انو طبيبي مش طالب وبيتعامل مع العيانين وبيشتغل في المستشفى وبيعرف النظام والروتين والاساسيات بتاعت كل قسم وكل مستشفى

    مفيدة: لانو فيها بتختبر روحك وتعرف قدراتك و اخطاء ومهاراتك وتحملك للمسؤلية وكمان ميولك وممكن تتخص شنو لقدام

    ممتعه: لانو كل فتره بتشتغل في قسم مر ه بتكون G.S ومره بيداترشن ومره فيزشن وغيوا ودي تجربه وفرصه ما حتكرر تاني غير انك لمن تشتغل في كل قسم حتعرف التخصص دا شنو احسن من اي وصف او اي كلام اتقال او اي تخيل كان في راسي وانا عن نفسي اتغيرت فكرتي في اقسام كتيره بعد ما عملت الامتياز فيها حبيت تخصصات وشيلت تخصصات تانيه من راسي وكدا
    • الرجوع الى أعلى الصفحة
    Dr.Maha
    Dr.Maha
    Dr.Maha
    المشرف العام
    المشرف العام


    انثى
    عدد المشاركات : 162
    رقم العضوية : 2
    المستوى : GP
    الاقامة : ليبيا
    نقاط النشاط : 17258
    السٌّمعَة : 9
    تاريخ التسجيل : 28/10/2008
    • مساهمة رقم 3

    حوار رد: تجربة طبيب امتياز

    مُساهمة من طرف Dr.Maha السبت 18 أبريل 2009, 9:29 pm

    ودا كلو ما يمنع انو فيها صدمات كتيره بتصدم اولا في انو الكلام اللي بنقرهوا في الكتب شكل واللي بيتعمل في المستشفيات شي تاني
    وبتصدم في وضع ودورطبيب الامتياز ومعامله من قبل بعض الدكاتره اللي بيذكروا طبيب الامتياز لمن يكون في ورقة خروج يكتبها او كلارك يعملوا او عايز يرسلوا يعمل موعود لمريض في قسم الاشعه او المناظير في حين انو لم يكون في حاجه ممكن طبيب الامتياز يستفيدها منها فعلا او يعملها ويكسب فيها خبره بينسوا انو موجود غير حساسيات الاطباء بين بعض و ممللة بذات في بعض الاقسام لمن يكون الشغل روتني وتحس انك ما قاعد تعمل في شي واحيانا بتحس انك مجرد خيال وغير انو طول المده بخليك زهجان وما مصدقك متين الواحد يكمل وغيرها من سلبيات
    طبعا انا بتكلم عن تجربة الشخصية
    وياريت كل واحد يفيدنا بتجربتوا ويحكي لينا لو كانت تجربتو مختلفه
    • الرجوع الى أعلى الصفحة
    Dr:Sonia
    Dr:Sonia
    Dr:Sonia
    المدير العام
    المدير العام


    انثى
    عدد المشاركات : 447
    رقم العضوية : 1
    المستوى : GP
    الاقامة : الخرطوم- السودان
    نقاط النشاط : 17638
    السٌّمعَة : 15
    تاريخ التسجيل : 27/10/2008
    • مساهمة رقم 4

    حوار رد: تجربة طبيب امتياز

    مُساهمة من طرف Dr:Sonia الأحد 19 أبريل 2009, 3:37 pm


    هلا مها فعلا كلامك بمثل الواقع المارينا بيه
    بصراحة حاليا بنمر بأسوا كورس فى الامتياز والهو ortho الى الان ماعملنا ولا اتعلمنا كلمه منو وبقينا فيه زى الاشباح بالنسبة للدكتارة مابشوفنا ولابعبرونا حتى الا طبعا لو فى discharge ولا clark هنا بدورنا وبسألوا علينا
    والله ماقادرة اعبر اكتر لانى مكتئبة جدا ومحبطة من الكورس دا ربنا يعديه على خير
    • الرجوع الى أعلى الصفحة
    د.سماح
    avatar
    د.سماح
    طبيب جديد
    طبيب جديد


    انثى
    عدد المشاركات : 4
    رقم العضوية : 195
    المستوى : GP
    الاقامة : الامارات العربية المتحدة
    نقاط النشاط : 16041
    السٌّمعَة : 0
    تاريخ التسجيل : 30/09/2009
    • مساهمة رقم 5

    حوار رد: تجربة طبيب امتياز

    مُساهمة من طرف د.سماح الأربعاء 30 سبتمبر 2009, 11:21 pm

    مرحبتين
    والله تجربة الامتياز هي جميلة وممتعة وفي نفس الوقت فيها اشياء مجحفة بحق الطبيب
    لما يحس انو هاوس مرسال كما في بعض المستشفيات ولكن اعتقد انو لو تم تعديل النظام واخد كل فرد حقو داخل المستشفى والناس اتعاونت هتكون فترة ممتعة بالجد ومفيدة بالذات عندنا في السودان لانها من الدول القليلة البتخلي طبيب الامتياز يشتغل بيدو مش يشوف فقط بعيوني ودي حاجة مهمة جدا اتمنى التوفيق لكل الناس البعملو في الامتياز الان واستفيدوواستمتعو بالفترة دي جدا لانو الجاي صعب جداجدا
    • الرجوع الى أعلى الصفحة

      الوقت/التاريخ الآن هو الأحد 19 مايو 2024, 11:00 am