سؤالى هل لى ان اختار الامتياز بمناطق الشده

مرحبا
والله يادكتور أنا بعرف واحد عمل الخدمة هناك وفعلا كانت المدة سته شهور بدل من سنة وكان العائد المادي كويس اما بالنسبة لامتياز والناحية العملية فما عندي فكرة

بالنسبة لي سؤالك عن الإمتياز في مناطق الشدة .... طبعا بإمكانك إنك تشتغل الإمتياز في الولايات ما عليك إلا تقدم رغباتك .... أما بالنسبة للإستفادة العلمية بتعتمد علي الولاية او المستشفي الحتمشي ليها والأخصائي الحتشتغل معاهو يعني في دكاترة كويسين وفي دكاترة كعبين ...أنا إشتغلت الجراحة في مستشفي القضارف فيها مستر سامي الدرديري ده زول مبااااااااااااااالغة في أي شئ ...... غالبا الناس بتشتغل في الولايات الجراحة والنساء والتوليد عشان بتقدر تشتغل بي يدك كتيييييييييييييييير لأنو مافي نواب أخصائيين عشان يشربو منك الشغل بس بكون في طبيب عمومي واحد ولا أتنين والحاجة الكويسة في الولايات بتخليك زول واثق من نفسك شديد بتقدر تتخذ القرارات من غير ما تخاف وتتعامل مع أي حالة في حدود الإمكانيات المتاحة عندك لأنك في كتيييييييييير من الأوقات بتكون إنت طبيب الإمتياز ده الكل في الكل في الحوادث مامعاك طبيب عمومي ولا نائب ...... طبعا الزول هنا في الخرطوم قبل ما يشوف العيان بضرب للنائب وبعد داك بقعد يعاين ..... لو إشتغلت الجراحة والنساء والتوليد كويس وبقيت تقدر تخش العمليات براك لما تخلص من الأمتياز بتقدر تمسك ليك مستشفي ريفي برااااااك ....
أما بالنسبة للقروش الحوافز دي بتفرق من مستشفي لأخري ومن ولاية للتانية لأنها في الغالب بتكون حافز بطلعوا الوالي بالإضافة لي حافز المستشفي من نبطشيات وoncall وعلاج إقتصادي ومرات بتسد في قسم تاني غير الإنت شغال فيهو ..... بس الكويس في الولايات إنك ممكن ما تحتاج لي مرتب الوزارة خالص حتي لو هناك مافي قروش لأنك ما حتصرف قروش لأنك قاعد في الميز بتاكل وبتشرب وبتمشي المستشفي وتجي بالترحيل دا إذا ما كان الميز جوه المستشفي ..... وغير كدة الناس في الولايات بتشتغل في المراكز الخاصة تتطلع ليك حبة قروش .......
بس زي ما قلت ليك الحاجات دي بتختلف من حته لي حته عشان كدة لو ماشي أي ولاية لازم تلقي زول بتعرفه شغال هناك عشان تسألوا ما تمشي بالكلام البتسمعو من الناس سااااااااااااااي ..... مع تحياتي