خايفه لاني ما عارفه

والله يامها حطيتى إيدك على الجرح لانه وضعى زى وضعك ،الواحد بقى خايف يرجع بلده وماعارف مصيره حيكون شنو لانه ماعارفين الانظمه شنو ولا المستشفيات وحاجات كتيره نتمنى نعرفها ،ربنا يسهل وخلاص

د.سونيا....د.مها
السلام عليكم ورحمة الله وبركاته
اصدق التهانى لكم و اعضاء المنتدى بعيد الاضحى المبارك
ادامه الله علينا بالخير و البركات
احب ان اطمئنكم ومن واقع تجربتى الشخصيه مع احدى الطبيبات
اللائ درسن فى ليبيا واتت لاكمال الامتياز فى السودان بانها لم تجد ادنى
صعوبه فى العمل بالمستشفيات السودانيه ومن واقع مشاهدتى لها لم اجد اختلاف يذكر بينها وبين الذين
درسو فى السودان من الناحيتين العمليه و النظريه ,وعلى ما اذكر فهى قد اكملت الامتياز فى ليبيا وفرض عليها ان تؤدى شهر فى كل قسم هنا فى السودان واكملت فترتها بكل سلاسه دون تعقيدات.
وعلى العموم انا مستعد لتزويدكم بكل المعلومات التى تحتاجوون اليها باذن الله عن نظام العمل والمستشفيات فى السودان.
د.مهيد مصطفى
طبيب عمومى بمستشفى الشرطه

كل سنة وانتم طيبين وعيد أضحى مبارك علينا وعليكم شكرا ليك كتير يا د.مهيد والله كلامك طمنا شديد وانشاء الله نقدر نتاقلم بسرعة ومانلقى اى صعوبة
وانشاء الله نقدر نفيدك نحنا برضو يا دكتور فى اى معلومه والف شكر ليك

بسم الله الرحمن الرحيم

انا مشتركة جديدة وحبيت اقول كلمةانا قضيت معظم حياتى فى الامارات ودرست وعملت الامتيازفى السودان
واكتشفت انها كانت اجمل فترة فى حياتى لانو بتعلم كتير وبعتبر اى انسان ادرب بعيد عن السودان ضيع فرصة جميلة انو يتعلم لانو السودان من المناطق القلة البتعلمك تتحمل المسوولية وتعلمك قيمة اتخاز القرار<للاسف الامتياز خارج السودان مساوئو اكتر من محاسنو لانى الان تفاجات ان طبيب الامتياز اغلب عملو ملا الاستمارات ونادرا ما يتخز اى قرار بخصوص ادخال او علاج مريض وهزة الفترة الوحيدة التى ستتعلم فيها تكتسب ثقتك بنفسك كطبيب هزا بالضافة الى العلاقات الانسانية والاجتماعية الطيبة النادرة التى نادرا ما تكتسبها خارج السودان لانك فى فترة عملك ستكون عائلة كبيرة وجميلة من الزملاء حتى الاخصائين وقد كنا ناكل كلنا فى طبق واحد هزا بالاضافة الى المجموعات الدراسية لانك ازا كنت تريد ان تكون ممتحن لاى زمالة تستطيع ان تكون مجموعة دراسة وغير هزا الكثير انا اعتبرها اجمل فترة فى حياتى وتعبها جميل

سلامات ... دكتورة مها ..... يمكن لما تقري الكلام ده تكوني رجعتي السودان ..... أنا فتحت المنتدي ده بالصدفة وقريت كلامك ولقيتو بتاريخ قديم ...... السؤال مش إنك حتقدري تشتغلي في السودان ولا لأ ... السؤال إنك راجعة السودان لييييييييييييييييييييييييييييييييييييه ..... الأطباء بفتشو لي أي طريقة عشان يطلعو من السودان وإنتي عايزة تعملي العكس ؟؟؟؟؟؟؟؟؟؟؟؟ بعدين صيغة سؤالك كانت غلط لأنك حصرتي السؤال في إنك حتقدري علي الشغل هنا ولا لأ ....... شوفي إنتي مستقبلك أحسن في السودان ولا برة ؟؟؟؟
بالمناسبة أنا إشتركت في المنتدي عشان أقول ليك الكلام ده

السلام عليكم
شكرا يادكتور علي اهتمامك وانك اشتركت مخصوص عشان تقول لي الكلام دا ، طبعا انا لسه ما مشيت السودان، والكلام اللي قولت عن الوضع هناك فان عارفه جزء كبير منو لانو عندي اخوي هناك ضاق المر لمن خلص الامتياز والخدمه وغيرو، وفعلا سؤال وجيه انا ماشه ليه؟ اول هو احنا حنفضل هربانين من السودان لحد متين ما مصيرو الزول حيرجع وكل ما بيتأجل الموضوع كل ما بيبقى اصعب ، غير كدا هنا محل ما أنا موجوده الوضع برضو ما كويسه يعني الامتياز هنا بدون ولا مليم وبعدوا بتشتغل متعاون من سبع شهور لغايه سنه او اكتر بدون تعريفه عشان يحنوا عليك بعقد وكمان الفتره دي ما بتقدر حتي تمتحن او تقدم لتخصص في بعض التخصصات، غير المشاكل التانيه اللي واحد قرف منها بسبب انو هو غريب ما ود بلد يعني اللي الناس جو السودان يمكن ما عندها فكره عليها ولا قدر شنو بنعاني منها غير كدا ساعات الزول مابيكون قرارو من ناحيه فرديه يعني بشوف كمان وضع اسرتو كيف واسباب كتيره وزي ما يقولوا مكره اخاك لا بطل ، بس كمان اكيد رغم كل المشاكل في السودان في ناس عايشه وبتاعفر وانا عندي اسبابي اللي بتخلني اجي واعافر معاهم ، وفي النهايه الكاتبو ربنا بيصير، وشكرا كتير ليك مره ثانيه لأهتمامك ونصيحتك وبارك الله فيك ووفقك في حياتك