مازلنا بعيدين

ذهبت اليوم مع ابني الصغير إلي المركز الصحي الذي تعالج فيه تبع التأمين ولكن هذا المركز الصحي = في السودان أحسن مصتوصف عندنا في السودان مع انه وللاسف حتي المصتوصفات عندنا صارت أي كلام المهم ذهبت ولا تسأل عن النظافه اللافته للنظر ولا تسأل عن تواجد العاملين <<من كل الانواع>> يعني ما في غياب وناس متزاحمين في الكراسي أقصد في الواطه لانو الدكتور ما جاء وكان الدكتور جاء الممرض مافي وكان الصطاف كلو في العندو مفاتيح الباب البره مافي وهكذا وهكذا !!!! نرجع تاني قال الدكتور شكلو CROUP وقال يأخد فنتولين طبعا اتوقعت القي في زول بياخد فنتولين <<كان ما صف>> والله ما لقيت أي زول وبسلاسه شديده أخدنا الفتولين والغريب في الموضوع دا كلو والانا مستغربه ليهو هو إنو بعد ما ولدي انتهي من الماسك السستر رمتو في الزباله << اتخيلو >> يعني ماسك لكل مواطن وانا لما كنت شغاله في ابراهيم مالك تحديدا وفي كل المستشفيات تقريبا الماسك من خشم دا وعلي طول في خشم التاني والله حتي ما بمسحوهو بالله نحن ما بعيدييييييييييييين شديد عن العالم؟؟؟؟؟؟؟؟؟؟

يا دكتورة الايام بيدي الله ليت بالماسك أو غيره المهم إنك حللتي مرتبك يا أخت تذكري أن الله شهيد علي ما تقولين . اختي لا تنسي ان السودان بلد في بداية الطريق و في فترة قليلة خرج اطباء كثر و انت واحدة منهم و للاسف انت خارج البلد مكان رد الجميل . أما كان من الافضل ان تسألي الله من فضله لاهل ذلك البلد الذي تخرجت فيه.ولك الثواب انشاء الله.

شكرا علي الرد ونعم الاعمار بيد الله ولكن علينا الاخذ بالاسباب يعني الواحد مايقع من راس البيت ويقول كان الله أراد لي أعيش بعيش وكان اراد لي أموت بموت !! وبعدين انا نقلته الشي الحيرني والله علي ما أقول شهيد.. والعباره دي طواااااااالي بنكررها السودان في بداية الطريق وهو السودان لسه ما عارف الطريق مش في بدايته !! والعبره ليست بالكتره ولكن بنوعية الخريجين <شكلك جديد> وياريت لو السودان بقي فدر المسؤوليه واستوعب الناس الاتخرجت مش خلاهم يتعرضوا للزله والاهانه بالله عليك لما تسمع اللجنه السعوديه جات للمعاينه امشي شوف الزله بس وتعال< ما تقدم ورقك> .. والسودان ما هو القرانا للاسف قرينا من دم أهلنا وأنا ما جيت المملكه لشغل .. والله يقدرنا نرد جميل أهلنا القرونا !!!