ما هي الحلوووووول؟هل تبقى الطبيبة عانسا؟

سمعنا عن كثير من الزيجات التي تفشل عندما تكون الزوجة طبيبة
و السبب غالبا ما يرجع للزوج,فبعض الازواج يشعر بالغيرة لأن زوجته تفوقه علما ومكانة,و البعض الاخر يشعر بالغيرة لأن عمل زوجته يتطلب تأخرها بالعيادة او الديوتي,او لانها تختلط بالرجال
و الأرجح ان الطلاق هو النهاية اذا لم يتفهم الزوج ضرورات العمل
فهل تراه الحل ألا تتزوج الطبيبة سوى طبيب؟
نترك لكم الباب مفتوحا للنقاش أعزائي

الموضوع مهم جدا !!
كل الاسباب القلتيها ممكن تكون واقعيه لكن دي مشكلة المرأه العامله عموما والطبيبه داخله في الموضوع طبعاوالمشكله عايزه شوية تفهم من الزوجين فمثلا الزوجه عارفه انو زوجها أقل منها في الدرجه العلميه المفروض تكون أكثر حكمه في التعامل معاهو < تفصل بين شغلها وبيتها> أو ما تتكلم ليهو E وهو مابعرف عربي .واذا عارفه إنو من النوع الغيور ما في داعي تجيب سيرة الرجال وهكذا .. ولعلمك المرأه عليها العبء الأكبر في الموضوع وهي العليها المحافظه علي بيتها والطلاق تبعاته لا يعلم بها الا الله لذلك الواحد لما يختار يفكر الف مليون مره لانو الكلام قبل العرس ما عندو اي علاقه بالكلام بعد العرس ولاحتي لو أخدت كل العهود والمواثيق وبالله التوفيق...
بعدين ما تفرحي شديد في أطباء متزوجين من بعض وبرضوا إختلفوا يعني الضمان ضمان رب العالمين والمعصوم من عصم الله .............

السلام عليكم زى ما اتفضلت وقالت د.ماريا دى مشكلة المراة العاملة بصفة عامة واعتقد انه الحكاية عاوزه تفاهم من الطرفين انه المرأة تحاول توفق بين بيتها والشغل وبرضو الزوج يتفهم ويساعد لانه هو اختار الزواج من مرأة عاملة ومن الاول عارف طبيعة شغلها .

المفروض الواحدة ترتبط بشخص يكون فاهم ومقدر عمل المراة وربنا يرزقنا ازواج مثل مانتمنى