وضع الطبيب في السودان

د:مها
السلام عليكم ورحمة الله
انا طبيب سودانى عانيت و مريت بكل الاشياء التى قلتيها
وربما انك لم تصورى الوضع بكامله,فواقع الطبيب السوداتى
افظع من ذلك بكثير,ومهنة الطب اضحت مهنه طارده لابناءها
من الاطباء,ومرتب الطبيب لا يكفى حتى منتصف الشهر
والتدريب الجيدلا يوجد فى المستشفيات والوضع الاجتماعى للطبيب
والذى كان اهم ما يميزه اضحى فى الحضيض

والله اسوأ بكتيييييييييير من كدة لكن البشتري دماغو ويهج برا البلد بكون هو الاول واحسن ليهو , يعمل ليهو قرشين معتبرين ويفتح عيادتو.
اما بالنسبة لينا نحنا ناس اسنان الشويين جدا فبالجد الصورة قااااااااااااتمة والله يسهل على الجميع

بصراحة صدمتونى جدا لانوا فكرتى كانت عكس كدة تماما وعلى العموم الوضع برة ما افضل الواحد بيتخرج ويبدا الامتياز بدون اى مقابل وبعد سنين الدراسة دى كلها دكتور الامتياز رايح جاى على المستشفى ونهاية الشهر يجى يقيف قدام ابوه او اخوه الاصغر منو اللى درس كلية 4 سنين واتخرج واشتغل قبلو وياخد مصروفو طبعا بشغلونا شغل مابيفيد نهائى خد هيستورى من الحالات اكتب خروج للحالات شوف تحاليل الحالة دى وبعد وين دكتور يحن عليك ويوضح لك حاجة ده غير انو مكان نقعد فيه علي القل يوم اليوتى مافى وماعايزة اتكلم عن المعاملة طبغا حتى الممرضين ماخدين نصيبهم فينا وبعد الامتياز بتشتغل متعاون لمدة سنة غلى الاقل وبعدين( يمكن يمكن يمكن) يقبلو يعملو ليك عقد او يقولو ليك معليش نحنا مامحتاجين اطباء حاليا وطبعا فى الفترة دى الواحد بمشى نفسو بشغل صيدلية او بيدرس طلبة الطب الجدد كورسات فى مراكز خاصة يطلع حق مواصلاتو وبصراحة انا شايفة انو يكفى انو بالسودان الخبرة احسن من غيرها بكتير وبعدين كلو ساهل

يقال ان الطب مهنة إنسانيه !! بس الطبيب برضو إنسان عايز ياكل ويشرب ويلبس <علي قول أبوقراط لبس كويس> وعايز يتجوز ووووووو وكان الاطباء هم رواد المجتمع لكن وللاسف بالجد الوضع بقي أكتر من مأساوي والطبيب بقي في مرتبه دنيا ودا الخلا الاطباء يشتغلوا بدون ضمير < أكيد دا ما مسوغ > لكن الضغط عليهو بقي كبير ومع قلة الايمان وترصد الشيطان صار ت الاخطاء بالكميه ! ونفس الوضع دا هو الخلي الناس تترك الوطن وتهاجر في حين أن مستشفيات السودان فيها نقص كبير ومحتاجه البلد لكل كادر بس تقولي لمنوا؟؟ الله المستعان اللهم أصلح ولاة أمورنا ......

الوضع جبان شديد

أقول الوضع الأن في السودان ليس بجيد و لكن في الأيام القايحسن أكثر مما هو في الدو الأخرى لأنو الأقتصاد ينمو بصورة جيدة بينما يهبط في الدول الأخرى , غير كده الحكومة أدركت أن المعارك ليست فقط مع الدول العدوة بل هنالك حرب يجب أن تهوضها في الداخل لتحسين الوضع المعيشي و الصحي و التعليمي لأنه هو العدو الحقيقي

يا ربى هون على اطباء السودان
ااااااااااااااااااميييييييييييييييييييييييين يا رب العالمين

من وجد خرم ابرة ليخرج او يتخارج من هذا الواقع الزفت...فليفعل بلا ادنى تردد...والله في عونكم اطباء بلادي...