كيف تختار تخصصك؟

والله حكاية التخصص دى حتجننى لانى انا عاوزه اتخصص باطنة بس لسه حايرة اتخصص فيها شنو وانا ماتعودت اكون ماعارفه اعمل شنو

انا شخصيا كنت ناوية جراحة من الاول حتى من قبل ما اخش سنة اولى لانة بديك شغور بالمغامرة و التشويق و الابداع

التخصصات امر يحيطة كثير من المعاونات والمشاكل في ذات الوقت فاحيانا انت تكون راغب حاجة لكن لما تعاين ليها بمتظور تاني تجد المنافسة صعبة فيها جدا لانو عدد المتخصصين كتير وليهم باع كبير عموما انا تجربتي الشخصية اني كنت حابة اتخصص جلدية واعمل تجميل لاني بحب الحاجات دي شديد واعتقد اني كنت هابدع فيها لكن لقيت معارضات من بعض الناس لانو عندهم مفهوم انو الطب دا المجالات الكبيرة بس وزي مابقولو العيار المابصيب بدوش شلت الفكرة من راسي وانا بحب الحاجات النادرة لاني بحس انو ممكن اسيب عليها بصاماتي بشكل كبير وبحب عمليات التاسيس عموما اخترت طب الاسرة وامتحنت في السودان في المجلس الطبي لكن للاسف لانو تخصص جديدماكان عندنا منهاج دراسة ولاعارفين ماذا يعني طب الاسرة كل المعلومات اللي اتحصلنا عليها كانت من النت وهي حاجات لناس برة يعني نحن محتاجين عشرات السنين عشان نطبقا فبقت مشكلة بتواجهك انو الناس دايما بتسالك يعني شنو طب الاسرة حتى الاطباء والزملاء لسا ماعارفينو من جهة سعيدة انو كنت من السباقين وجهة خايفة اكون دقست

انا يادكاتره لسه بدرس وموضوع التخصص شاغلنى شديد ماقادره احدد لانو معلوماتى غير كافيه عن التخصصات خاصه الحديثه منها ونفسى اعرف من بدرى عشان اقدر اركز على المجال الحااختاره من بدرى

شكرا دكتوره سونيا على الرد الجميل بقترح على الاطباء الاختصاصين واصحاب الخبره كتابه المعلومات المهمه عن تخصصاتهم واخر تطوراتها مع دعواتنالك بالتوفيق فى الامتحان

انا افتكر انو الواحد بعد ما يخلص الامتياز بيكون ليهو الطريق واضح لانو بيكون عرف الحاصل كلو وعرف انو هو البناسبو شنو وكتيرين غيرو رغبة التخصص بعد الامتياز وبدو فى تخصصات ما كانت على بالهم ابدا
يلا انت لو عملت الامتياز فانت ما محتاج لاى مساعده ما عليك الا تقول بسم الله وتتوكل تبدا الفى راسك وانت ارتحت ليهو وربنا معاك انشاءالله والله يوفق الجميع امييييييييييييييييييين يا رب العالمين